"Бала тәрбиесі - баршаға ортақ" №1 жалпы ата-аналар жиналысы
№1 ХАТТАМАСЫ
Өткізілуі: Zооm.
Тақырыбы: «Бала тәрбиесі - баршаға ортақ»
Өткізілген күні: 06.11. 2021ж
Қатысқан ата-ана саны: 35
Режим дня:
- Балабақша меңгерушісі Нусупова Сағыныш Каримбайқызының алғы сөзі.
Балабақша ережесі туралы кеңес.
- Методист Шермаханова Гүлім Төреханқызының балабақша күн тәртібімен, оқу бағдарламасымен таныстыруы.
- Медбике Қалмұхамедова Айнұр Сабитқызының балабақшадағы тамақтану, санитарлық талаптар туралы баяндамасы.
- Әр түрлі мәселелер
Жиналысты балабақшаның меңгерушісі Нусупова С.К. ашты. Ата-аналардың жалпы жиналысқа атсалысып, бала тәрбиесіне бейтарап еместігіне алғысын білдіре отырып, жаңа оқу жылының басталуымен құттықтады «Құрметті ата - аналар! Сіздермен онлайн ата-аналар жиналысында қауышқанымызға қуаныштымыз. Жел бесіктен, жер бесікке дейінгі адам өміріндегі тәрбиенің ұйытқысы ата - ана мен балабақша. Болашақ десек те, келешек десе де бала - ұрпақ деген мағынаны білдіреді.
Адамның өзге тіршілік иесінен айырмашылығы – дүниеге перзент әкелген соң, оның болашағын ойлау, адам етіп тәрбиелеу.
Бала тәрбиесі – бір отбасының ғана емес, бүкіл қоғамның мемлекеттік абыройлы міндеті. Кезінде Әл Фараби бабамыз «Ғылым емес, ең алдымен тәрбиеге көңіл бөлу керек, тәрбиесіз адамға ғылым баянды болмайды» - демеп пе еді. Осыған орай бүкіл ата - ана тәрбиеге бет бұруы керек. Ұрпақ тәрбиесіне мүдделі екендігін ата - аналар іс - жүзінде дәлелдеп отырулары тиіс. Міне осындай ынтымақ бірлігінде ғана ойдағыдай нәтиже берері ақиқат».